Abenduak 21ean eskolan, azkeneko eguna denez, gauza bereziak eginen ditugu. Lehendabiziko, eskolara sartzekin gauzak prestatu eginen ditugu. Gero 5. eta 6. mailakoek dantza bat eginen dute. 12:30etan txistorrada izanen da. Gero Ane, Maider eta Joanesek akordeoia , Izarne eta Leyrek trikitixa, Txomin eta Mirenek tanborra joko dute eta bertze guztiek kantatu eta dantzatu eginen dute. Eguerdi arte izanen da festa eta gero, arratsaldean ez da eskolarik egonen.
ESKOLAN BRAKE DANCE
Azaroaren, 29an Oronozko Eskolan, Break dance dantzatzera “Team Rockers”eko bi kide etorri ziren, Jon eta Adri. Lehenengo, beraien burua aurkeztu zuten. Gero, pixka bat dantzatu zuten guk ikusteko. Geroago, Brake Dantzaren istorioa kontatu zuten. Brake Dance New Yorken sortu zen bertako bandek elkarrekin asko borrokatzen zirelako. Borrokatu ordez dantzatu egiten zuten hoberena nor zen jakiteko. Nafarroara askoz beranduago etorri zen Brake Dantza.
Hori eta gero, Brakearen pausuak erakutsi ziguten. Goitik behera pausoak egiten hasi ziren. Top Rock zutik egiten den pausuak dira. Foot works lurrean egiten diren pausoak dira. Freeze izoztua bezala geratzen zaren posturak dira, eta Power move akrobaziak dira.
Gero, galderak egin genituen eta arras ongi erantzun zuten. Hori eta gero, koreografia eta dueloa dantzatu zuten eta guk txaloka animatu genituen. Gero, 2. mailatik beiti gelara joan ziren eta bertze guziak Brake Dance tailerra egin zuten.
Tailerran pauso batzuk ikasi genituen. Lau pausotik hiru Top rock ziren (zutik egiten direnak) eta bat foot work pausoak zen (lurrean egiten dena). Koreografia ikasten oso ongi pasatu genuen. Akitzekin, 2. eta 3. mailakoak gelara joan ziren eta bertzeak elkarrizketa bat egin genuen. Gero, Xabiren gelakoek, oparia eman zieten eta asko poztu ziren. Eskola guzia ikusi zuten eta gure arbelean sinatu zuten.
Itsasne eta Leyre
ZORIONAK TXOMIN
Gaur, abenduak 1 Txominen urtebetetzea da. 9 urte betetzen ditu. Gaur Maider eta Joanesekin merendola bat eginen du. Txominek urtebetetzeko zamarra bat eskatu du eta bertze guzia sorpresa. Bere familia eta lagun guztiak merendolara joango dira. Zorionak Txomin!
ZORIONAK ITSASNE
Azaroaren 28an Itsasneren urtebetetzea izan zen. Asteazkenean autobusean kantatu genion eta Iruritan bere klasekoek ere kantatu zioten. 29an gure eskolan ospatu genuen berak ekarritako pastak eta zukua jaten. Itsasnek 10urte bete ditu. Larunbatean bere familiarekin ospatu behar du.
PAKEA BIZKAIA
Bilboko itsasontzi bat Pakea Bizkaia izenekoa Antartikara joateko asmoa du. Oronozko eskolakoek, 5 eta 6 urtekoek beraien gelako paretan Pakea Bizkaiaren ibilbidea eta non dagoen jakiteko mapa bat egin zuten. Gainera, toki bakoitzeko animaliak marraztu eta itsasontzia ere egin dute, mapan itsatsi dituzte.
Pakea Bizkaiaren ibilbidea: Bilbotik atera zen Kanariar uharteetara, Caboverdera, Brasilera, Argentina eta azkenik Antartikara. Orain Brasilera ailegatzen ari da.
5 eta 6 urtekoek Olentzerorendako Antartikari buruz ipuin bat egiten ari dira. Xabi, izeneko mutiko bat telebistako kamararekin joango da barkora eta hori aprobetxatuz marrazkiak eta eskutitzak emango dizkiete.
Ikusi nahi baduzue informazio gehiago www.pakeabizkaia.com orrialdean izanen duzue.
Leyre eta Itsasne
URDAZUBI-ZUGARRAMURDI ETA BAZTANGO HERRIETAKO ELKARRETARATZEAK
Azaroan, murrizketaren kontrako elkarretaratzean izan ziren Urdazubi-Zugarramurdi eta Baztango herrietan. Murrizketa aunitz egin dute, adibidez: eskolako materialarendako diru 
gutxiago eman dute, kanpaldiendako dirurik ez,maisu maistra aunitz bota dituzte…
Lehenengo elkarretaratzea Gartzainen izan zen, hurrengoa Iruritan, gero Oronozen eta hurrengoa Zigan. Oraindik herri batzuk falta dira. Elkarretaratzeak ostegunero izanen dira.
Maider, Joanes eta Ane
Eskolako Auzolana
Oronozko eskolan, gauza aunitz hondatuak daude, horregatik, auzolan bat egitea erabaki dugu eta eskola guztiak lan egin behar du. Lehenengo egunean inkesta bat prestatu genuen gela bakoitzendako. Josefaren gelakoek, gure laguntzarekin egin zuten inkesta. Eskolari buelta eman genion txikiak gauza aunitz hautsiak daudela konturatzeko. Batzuetan konturatu egiten ziren eta bertzeetan, ez zirenean konturatzen guk pistak ematen genien eta orduan ongi erraten zuten.
Gaizki dauden gauza batzuk hauek dira:
-
Eskola haurreko bi zakarrontziak ez daude.
-
Patioan harri pila bat daude.
-
Patioko kolunpioen azpian pila bat harri daude eta zuloak badira.
-
Frontoiko farolak hautsita daude.
-
Eskola atariko buzoia hautsita dago.
-
Eskola atariko argiak hautsita daude.
Eta askoz gauza gehiago daude gaizki.
Ane, Maider eta Joanes
Eskolan ipuingintza
Guk, handien gelakoek ttikiei eta koxkorrei ipuinak irakurriko dizkiegu. Ortziralero arratsaldeko azkeneko hogei minutuetan eginen dugu.
Lehenengo, zozketa egin genuen bakoitzari zer ttiki edo koxkor tokatuko zitzaigun jakiteko. Baina ez zaigu beti haur berdinak tokatuko. Gero, bakoitzari irakurtzeko ipuin bat aukeratu genuen. Liburuak etxetik ekarri genituen. Eskolan libre zeuden gelak erabili genituen eta bakoitzak bere txokoa bilatu zuen ttikiei ipuina irakurtzeko. Azkenik, ipuinak irakurri eta marrazkiekin jostatu genuen, denbora akitu arte. Horrela kurtso osoko ortziral guztietan eginen dugu.
Leyre eta Itsasne
Zorionak Aimar!
Hogeita zortzian Aimarren urtebetzea izan zen, gaur ospatu egin dute. Aimarrek bizkotxo bat ekarri du eskolara eta arras goxoa zegoen. Bizkotxoak lakasitos bazituen. Aimarrek hiru urte bete ditu.
Aunitz urtez Aimar!
Urdazubi-Zugarramurdi eta Baztango herrietako eskolen besta
2012ko Irailaren 30ean, Erratzun, Urdazubi-Zugarramurdi eta Baztango herrietako eskolen besta ospatu zen.
Hamarretan Erratzuko damek (inauterietako personaiak) bestari hasiera eman zioten. Plazara joan ginen. Plazan, damek zanbonbak jo zituzten eta gero jendea bi taldetan banatu zen. Haur txikiak, eta haur haundiak. Haur txikiak, Gorostapolora joan ziren Pirritx eta Porrotx ikustera. Haundiek ginkana egin zuten. Ginkana, ibilbidea eta probak ziren. Probak, Baztani buruzko galderak ziren. Galdera bat egiterakoan ongi erantzunez gero, pista bat ematen zizuten eta letra bat harrapatu behar zenuen. Gero, Gorostapolora joan ginen. Han txikiak Pirritx eta Porrotx ikusten zeuden. Jateko, gailetak eta kafea zegoen. Pirritx eta Porrotx akitu eta gero, Fanfarronak taldea jotzen hasi zen. Talde horretan gure eskolako zuzendariak, Xabik, klarinetea jo zuen. Ordu bietan frontoira bazkaltzera joan ginen. 
Bazkaltzeko, bortz eurotan taloa, edaria eta postrea zegoen. Bazkaldu ondoren, BKZtakoek, tirolina paratu zuten. Atsaldean, Frantxiskorekin dantzaldia izan zen. Aurpegia pintatzeko aukera izan zen. Txupatxusak banatu zituzten. Denak etxera joan ziren eta besta akitu zen.
Ane, Maider eta Joanes