Aurtengo Korrika

descarga

Aurtengo Korrika Ondarroan hasi eta Baionan akituko da. Baztango maestroek Korrikan 2 km erosi dituzte. Kilometro bat Zubialdetik Askapeko kruzeraino eta beste kilometro bat Iruritatik Eugiko bideraino. Korrika Oronozetik martxoak 17an pasatuko da goizeko 8etan. Animatu etortzen!

Hau da Korrikako kanta!

Aurten, Korrika tokatzen da, badakizuen bezala 2 urtetan behin egiten da. Aurtengo kanta Esne Beltzak egin du. Bagoaz! Izena du. Hemen dago kantaren letra.

BAGOAZ!

Bagoaz Euskal Herritik mundura
eskua emanaz elkarri
bideak direla gure lotura
urratsak direla gure oinarri.
Bagoaz Korrika…
elkar entzunaz elkar ulertzera,
bagoaz Korrika…
Euskara eman eta elkar bizitzera.

Euskara da euskaldunon ezaugarri
guztion lur eta guztion zeru,
horregatik maite dugu izugarri
eta gehiago maita dezakegu.
Bagoaz Korrika…
ikastera eta erakustera,
bagoaz Korrika…

BAGOAZ KORRIKA
EGIZU HITZ HERRI ZAHAR HERRI BERRI
BAGOAZ KORRIKA
EMAN EUSKARA ELKARRI
BAGOAZ KORRIKA
EGIZU HITZ HERRI ZAHAR HERRI BERRI
BAGOAZ KORRIKA
EMAN EUSKARA ELKARRI
HARTU ETA EMAN EUSKARA ELKARRI!

Maule, Donibane Garazi, Baiona,
Donostia, Bilbo, Gasteiz, Iruñea.
Herri guztietan euskara, bai ona!
hizkuntza baita gure bilgunea.
Bagoaz Korrika…
euskara elkarri ematera,
bagoaz Korrika…

Nahi baduzue informazio gehiago sar zaitez Korrikako web orrialdean: http://www.korrika.org

Emakumeen nazioarteko eguna

Emakumeen nazioarteko eguna, martxoaren 8an da. Pasatu zenari buruz bertsio aunitz daude, hemen bat: 1908an, New Yorken, fabrika batean lan egiten zuten 146 emakume protestatzen ari ziren soldata miserablea zutelako eta lan baldintza txarrak zituztelako. Protestatzen ari zirenez, fabrikako jabeak emakume horiek hil zituen fabrikako ateak isten eta inzendio bat sortzen. Horregatik ospatzen da egun hau, berdintasuna izateko.

Gaur egun berdintasun gehiago badago baina munduko herrialde batzuetan emakumeei tratu txarra ematen segitzen dute.emakumearen eguna

ENGLISH WEEK

Ilunberriko ikonoaAurten Oronozko eskolako 4., 5. eta 6. mailako ikasleak Ilunberrira joan behar dira ingeles kanpamendura, Baztango bertze herriekin, Irurita eta Arraioz izan ezik. Apirilak 15etik 19ra joanen gara. Hiru taldetan joan behar gara: Arizkun taldea, Erratzu taldea eta Almandoz taldea. Arizkun taldean Arizkun eta Oronoz gaude, Erratzun Erratzu eta Amaiur eta Almandoz taldean Almandoz, Ziga, Gartzain eta Azpilkueta daude. Arizkun taldearekin Tania etorriko da Erratzu taldearekin Naiara eta Almandoz taldearekin Itsaso.

 Informazio gehiago nahi baduzue sartu:

http://inmersion.cnai.es/es/programas/english-week/informacion-general

Olio bilketa

OlibatxoEskolan olio bilketa eginen dugu. Ekograsek olio zaharra biltzen du eta ondoren, berziklatzen da. Olio hori biodieselendako izanen da. Oronozko eskolara orain ekograseko kontenedore bat ekarri digute, espero dugu denek olio zaharra eskolara ekartzea. Horrela ingurumena zaintzen dugu. Kontenedorea betetzekin ekograsekoek olioa bilduko dute. Baita ere, Pirritx eta Porrotxekoek kartelak eman dizkigute eta txikiendako pintatzeko marrazki batzuk oparitu dizkigute. Pirritx eta Porrotxeko ekograseko kontenedoreak Olibatxo izena du eta eskolako atarian paratu dute.  

Ipuin Barregarriak

Hauek dira 5.mailakoak egin ditugun ipuinak. Ongi pasatu irakurtzen!

[issuu layout=http%3A%2F%2Fskin.issuu.com%2Fv%2Fcartoon%2Flayout.xml showflipbtn=true documentid=130208152414-400efdee9b9d4ae3939bc71989c172d1 docname=ahoan_sartu_nahi_ez_zuen_biberona.od username=oronoz loadinginfotext=Ipuin%20barregarriak showhtmllink=true width=420 height=297 unit=px]

Oronoz-Mugairiko inauteriak

Oronozko inauteak urtarrilaren 24, 25 eta 26an izan ziren, ortzeguna ortzirala eta larunbata. Ortzegunean gazteak baserrietara joan ziren eta ortziralean arratsaldean eskolako guztiak eskolara mozorrotuak joan ginen eta ondoren, Xabik gure zuzendariak , klarinetea jo zuen, Ane, Joanes, Izaskun eta Maiderrek akordeoia jo zuten, eta Txomin eta Mirenek tanborra jo zuten. Herri guztiari buelta ematekin sozietatera txokolatada eta gailetak jatera joan ginen. Gazteak ere mozorrotuak egoten dira. Larunbata goizean, gazteak Pierresenean gosaldu egin zuten eta Izarne, Txomin, Joanes, Xanti, Miren eta nik gure amatxiren etxean egon ginen, mozorrotuak. Gazteak gure amatxiren etxera joan ziren pastak eta ardoa edatera eta jatera. Gero, Ongi Etorrira joan ziren eta gu ere joan ginen. Horrela akitu egiten dira Oronoz-Mugairiko inauteak.

Ipuinak

Hemen dituzue 4.mailakoek egin ditugun ipuinak

Egileak: Txomin,Miren,Unai eta Izarne

[issuu layout=http%3A%2F%2Fskin.issuu.com%2Fv%2Faquarium%2Flayout.xml showflipbtn=true documentid=130131121732-2213b3d787d542deb3b1628b5acc2cc6 docname=ipuinak username=oronoz loadinginfotext=ipuina showhtmllink=true tag=ipuina width=420 height=297 unit=px]

Paper matxeko figurak

Gure eskolan, handien gelan, paper matxeko figurak egin genituen, paper matxerekin. Lehendabiziko paper matxe egiten hasi ginen eta material hau erabili genuen:

  • Ur beroa

  • Periodikoa

  • Ontzia

  • Kola zuria

  • Klariona

  • Ontzi txikiak

NOLA EGIN PAPER MATXE?

Lehendabiziko, periodikoa zati txikietan hautsi behar da. Ondoren, ura beroa ontzira bota. Gero, ontzira periodikoa bota. 2 edo 3 egun ontzian eduki eta gero, ontzi txikietan periodikozko bola bat bota eta xehatu egin beharra duzu, masa bihurtu arte. Periodiko guztia egin duzunean, ontziari ur guztia kendu eta dena multzo batean utzi. Masarekin koro bat bezala egin eta koroaren erdian, kola zuria bota. Ondoren klariona xehatu eta korora bota. Dena nahastu eta oratu prest dagoenean, erabili egiten ahalko duzu.

 Nik munduko bola eta pertsona bat egin nuen eta material hau eta pauso hauek behar dira hori egiteko.

FIGURAREN MATERIALA

  • Globoa

  • Kola zuria

  • Periodikoa

  • Pintura zuria, berdea, urdina…

  • Alanbrea

  • Zinta itsaskorra

  • Paper matxe

NOLA EGIN FIGURA?

GORPUTZA:

Lehendabiziko, alanbrearekin eskeletoa egin behar da. Gero, burua egiteko periodiko bola bat egin behar da eta alanbrean lepoan sartu, hau zelorekin itsatsiko dugu. Panpinaren gorputza egiteko periodikoarekin tirak egin eta gorputz guztian zinta itsaskorrarekin pegatu behar da. Dena pegatu beharra da, ez da hutsunerik utzi behar. Dena ongi pegatuta dagoenean, pintura zuriarekin dena pintatu. Dena idortua dagoenean, paper matxerekin nahi duzuna egin. Nik titiak, begi bat, sudurra eta ilea egin diot. Kasu lurrera ez botatzea. Gauza hauek egiteko, lehendabiziko bola bat hartu, kola zurian sartu , nahi duzun forma eman eta gorputzean pegatu. Dena ongi dagoenean, sendo eta fuerte, pintatu egin beharra duzu, nik, berdea eta urdina pintatu nuen. Zuek nahi duzuen bezala pintatzen ahal duzue.

MUNDUA:

Lehendabiziko, globo bat hartu eta pixka bat haizatu. Ondoren, periodiko tirak egin eta kola zuriarekin globoan pegatu. Dena bete behar duzu, kontu emanez, ezin dira bultoak egon bertzela gaizki aterako da. Hainbertze kapa eman beharra dira. Bi edo hiru egun egon beharra da geldi eta gogorra eta idortuta dagoenean, paper matxerekin hasten ahal zara. Nik lurra egin nuen. Zuek nahi duzuena egiten ahal duzue. Kasu eman ez botatzea, bertzela gaizki aterako da. Sendo eta fuerte dagoenean pintatzen hasten ahal zara. Nahi duzun bezala pintatzen ahal duzu, nik berdea eta urdina pintatu nuen, mapa mundia bezala.

Horrela egin dut nik paper matxerekin figura hauek espero dut zuei ongi ateratzea. Hemen duzue nire paper matxeko figuren fotoak eta paper matxerena:

paper matxe

 OLYMPUS DIGITAL CAMERAdenak akituta